დაავადებათა კონტროლის ცენტრის ხელმძღვანელის, ამირან გამყრელიძის ინფორმაციით, იუსტიციის სახლთან მოწყობილ დროებით ტესტირების პუნქტში კორონავირუსზე ტესტი 988 ადამიანს გაუკეთდა.
მისი ინფორმაციით, მათგან ვირუსი 7-ს დაუდასტურდა, რაც 0.7%-ია.
“ანუ თბილისში ინფექციის აქტიური ცირკულაცია ჩვენ არ გვაქვს”, – განაცხადა გამყრელიძემ.
მისივე თქმით, აჭარაში მოგზაურობის ისტორიის მქონე 2 200 მასწავლებლიდან 1 800 გაიტესტა, მათგან ვირუსი 14-ს დაუდასტურდა. გამყრელიძის ცნობით, უმეტესობა გურიაში გამოვლინდა.