![ლიდერ ქალთა საზოგადოება დიდი სიამოვნებითა და სიამაყით აცხადებს, რომ დაწყებულია ნომინაციების მომზადებისა და წარდგენის პროცესი მეცხრე ღონისძიებისთვის. ლიდერ ქალთა საზოგადოება დიდი სიამოვნებითა და სიამაყით აცხადებს, რომ დაწყებულია ნომინაციების მომზადებისა და წარდგენის პროცესი მეცხრე ღონისძიებისთვის.](https://realinfo.ge/wp-content/uploads/2024/06/VIII-გრანდიოზული-ღონისძიება-2.png)
ლიდერ ქალთა საზოგადოება დიდი სიამოვნებითა და სიამაყით აცხადებს, რომ დაწყებულია ნომინაციების მომზადებისა და წარდგენის პროცესი მეცხრე ღონისძიებისთვის.
ლიდერ ქალთა საზოგადოება დიდი სიამოვნებითა და სიამაყით აცხადებს, რომ დაწყებულია ნომინაციების მომზადებისა და წარდგენის პროცესი მეცხრე ღონისძიებისთვის. ეს ტრადიციული ცერემონია მიზნად ისახავს გამორჩეული, ინოვაციური და ლიდერი ქალების წარმოჩენასა და დაფასებას, რომლებმაც თავიანთი უნარებით, გამბედაობითა და მიღწევებით, მნიშვნელოვანი წვლილი შეიტანეს საზოგადოების განვითარებაში. ისინი გახდებიან ჩვენი ორგანიზაციის წევრები და დაიკავებენ საპატიო ადგილს 10000 ლიდერ ქალბატონთან ერთად.
წლების განმავლობაში ეს ღონისძიება იქცა ერთ-ერთ ყველაზე პრესტიჟულ ფორუმად, რომელზეც ვაფასებთ ქალების მიღწევებსა და მათ როლს სხვადასხვა სფეროში – ბიზნესში, ხელოვნებაში, მეცნიერებაში, განათლებაში, საზოგადოებრივ საქმიანობასა და სხვა დარგებში. ნომინანტები ფასდებიან მათი პროფესიული წარმატებების, ინოვაციური იდეების, გამბედაობის, ლიდერული უნარებისა და საზოგადოებისთვის შეტანილი წვლილის მიხედვით.
ღონისძიებაზე კიდევ ერთხელ გვემატებიან გამორჩეული ქალბატონები, რომლებიც თავიანთი მიღწევებითა და საქმიანობით წარმოადგენენ სამაგალითო ლიდერებს და ინსპირაციის წყაროს საზოგადოებისთვის. შეიძლება ეს იყოს წარმატებული მეწარმე, რომელმაც შექმნა ინოვაციური პროდუქტი ან სერვისი და დაამყარა საკუთარი ბიზნესი. მეცნიერი, რომლის კვლევამ შეცვალა ჩვენი გაგება სამყაროზე. გამორჩეული პედაგოგი, რომელმაც მოახერხა სტუდენტების ინსპირირება და ცოდნის გაზიარება. საზოგადო მოღვაწე, რომელმაც უდიდესი წვლილი შეიტანა სოციალურ საკითხებში.
ერთად შევქმნათ დღესასწაული გამორჩეული ლიდერი ქალებისთვის და დავაფასოთ მათი შრომა და წვლილი საზოგადოების წინსვლაში. გამოვავლინოთ ნომინანტები და პატივი ვცეთ ქალებს, რომლებიც სამაგალითო როლს ასრულებენ ჩვენი საზოგადოებისთვის.