ნომინაციაში “გამორჩეული სპეციალისტი ექიმ-რეაბილიტოლოგი – 2025’’ წარდგენილია ნაზი ჭავჭავაძე

ნაზი ჭავჭავაძე – ექიმი მასაჟისტი და რეაბილიტოლოგი, რომელსაც 14 წლიანი გამოცდილება აქვს. თბილისის სახელმწიფო სამედიცინო უნივერსიტეტის სამკურნალო ფიზკულტურისა და რეაბილიტაციის ფაკულტეტის დამთავრების შემდეგ, ნაზი 8 წელი თურქეთში კერძო რეაბილიტაციის ცენტრში მუშაობდა, სადაც უნარშეზღუდულ პაციენტებთან მუშაობა იყო მისი მთავარი ამოცანა. მისი გამოცდილება მოიცავს როგორც თანდაყოლილი პრობლემებით, ისე შეძენილი დაზიანებებითა და პოსტოპერაციული რეაბილიტაციის პროცესში მყოფ პაციენტებს.

ნაზისთვის კარიერის დასაწყისი და მისი პროფესიული არჩევანი პირდაპირ იყო დაკავშირებული სურვილთან – დაეხმაროს ადამიანებს, გაუმჯობესდეს მათი ჯანმრთელობის მდგომარეობა. მისთვის გარდამტეხ მომენტად ის დარჩა, როცა თურქეთში რეაბილიტაციის ცენტრში დაიწყო მუშაობა. “მაშინ ჩემს ცხოვრებაში მოხდა ყველაფრის გადაფასება,” – იხსენებს ნაზი, რადგან სწორედ იქ შეხვდა უზარმაზარ რაოდენობას უნარშეზღუდული ბავშვებისა, რომელთა რეაბილიტაცია ხშირად იყო რთული. გამოცდილება ამ ბავშვებთან დაუვიწყარი იყო, რადგან, როგორც ამბობს, “ერთი გადადგმული ნაბიჯი ჩემთვის ახლიდან დაბადებას ნიშნავს”.

რა თქმა უნდა, ნაზი საკუთარ კარიერულ მიღწევებს, წარმატებებსა და გამოწვევებს ძალიან ემოციურად იხსენებს. მას განსაკუთრებით ამაყობს იმით, რომ ამჟამად საქართველოში დაბრუნების შემდეგ ის ცდილობს საკუთარი მუშაობა კვლავ განავითაროს და საზოგადოებას სასარგებლო იყოს.

“მინდა ოდესმე ავიხდინო ჩემი ოცნება და ვთქვა, რომ მე ჩემი სარეაბილიტაციო ცენტრი მაქვს, სადაც ყველა დედას დავეხმარები,”

იგი ამაყობს იმით, რომ მისი მოტივაცია ყოველთვის გახლდათ მისი შვილები, რომლებიც უსაზღვრო ენერგიას და ინსპირაციას აძლევენ. “ისინი არიან ჩემი შთაგონების წყარო,” –ხაზს უსვამს, რომ მათი მხარდაჭერა და სიყვარული მას ყოველთვის წინ მიიყვანს.

გარდა იმისა, რომ ნაზი უდიდეს ყურადღებას უთმობს საკუთარ პროფესიულ განვითარებას, მას აქვს პარალელური საქმიანობაც – ხელნაკეთ სურათებს ქმნის ლურსმებითა და სპილენძის ძაფებით. მისი მიზანი არა მხოლოდ თავისი სარეაბილიტაციო საქმიანობის განვითარებაა, არამედ ხელოვნების სფეროში გამოფენის მოწყობა, რაც მისი ოცნებაა.

“ყოველთვის ვცდილობ თვითონაც ვვითარდებოდე და სიახლეები შევთავაზო პაციენტებს,” რაც მის მიერ პროფესიულ სფეროში ინოვაციურ მიდგომას უსვამს ხაზს.

ნაზის რჩევა დამწყებთათვის ასეთია : “უნდა გიყვარდეს შენი პროფესია და საქმე, რასაც აკეთებ, გულით უნდა აკეთო და შედეგს აუცილებლად დადებ,” – ამბობს ის.