ნომინაციაში “საიუველირო ხელოვნების ტრადიციების შენარჩუნებასა და განვითარებაში შეტანილი წვლილისთვის – 2025″ წარდგენილია ნინო ჯელაძე

ნინო ჯელაძე გახლავთ დაწყებითი განათლების პედაგოგიკისა და მეთოდიკის კურსდამთავრებული, რომელმაც განათლება თელავის ი. გოგებაშვილის უნივერსიტეტში მიიღო, თავდაპირველად თბილისის №106 საჯარო სკოლაში მოღვაწეობდა, პარალელურად კი თბილისის მულტიფუნქციურ საჯარო ბიბლიოთეკაში წამყვანი ბიბლიოთეკარის პოზიციას იკავებდა.

ნინოს კარიერული ტრანსფორმაცია დაიწყო, როდესაც ის ოქროს სამკაულების ყიდვა-გაყიდვით დაინტერესდა. მისი საქმიანობა იმდენად წარმატებული აღმოჩნდა, რომ კმაყოფილი მომხმარებლების დაჟინებული თხოვნით, ნინო ოქროს ბირჟაზეც გადავიდა. დღეს ის თბილისის ცენტრში მუშაობს, სადაც ოქროსა და ბრილიანტის სამკაულებს ყიდის. მისი პროფესიული განვითარება ამით არ შემოიფარგლა – მან ძვირფასი ქვებისა და ლითონების ექსპერტიზის კურსიც გაიარა და ამჟამად ექსპერტ-შემფასებლის კვალიფიკაციითაც სარგებლობს.

“არასდროს ვნებდები სირთულეებს,” – ეს ფრაზა ნინოს ცხოვრებისეულ კრედოდ შეიძლება ჩაითვალოს. მის წარმატებაში გადამწყვეტი როლი ითამაშა შრომისმოყვარეობამ, მიზანსწრაფვამ და რწმენამ. გარდამტეხი მომენტი მისთვის იყო ის უამრავი კმაყოფილი მომხმარებელი, რომელთა კეთილგანწყობაც მისი პროფესიონალიზმისა და გულწრფელი დამოკიდებულების შედეგია.

როგორც თავად აღნიშნავს, ამ ეტაპამდე მოსვლა არ ყოფილა ადვილი – ეს გზა მოიცავდა უძილო ღამეებს, დაუღალავ შრომას და მუდმივ ფიქრს განვითარებაზე. “ყველა ნაბიჯი სულ მარტომ გავიკვალე, არავის დახმარებით არ მიმიღწევია ამ ეტაპამდე,” – აღნიშნავს ნინო, თუმცა იქვე დასძენს, რომ ყოველივე ეს უფლის დახმარებით შეძლო.

უდიდეს შთაგონებად და წინსვლის მოტივატორად ნინოსთვის რჩება ოჯახი – მეუღლე და შვილები. ასევე, საინტერესოა, რომ მისი გარდაცვლილი მშობლების ხსოვნა და სულიერი მხარდაჭერა მნიშვნელოვან როლს თამაშობს მის ყოველდღიურ ცხოვრებაში. “ჩემი აწგარდაცვლილი დედიკო და მამიკოს შთაგონება ყოველდღე ჩემთან არის, მათი სული მიკვალავს გზას, შთამაგონებს რა, როგორ გავაკეთო, წარმოვთქვა ან მოვიმოქმედო,” – ამბობს ნინო.

როგორც ლიდერი ქალი, ნინო ჯელაძე ცდილობს დადებითი გავლენა მოახდინოს გარშემომყოფებზე. მისთვის უმნიშვნელოვანესია ადამიანური სიკეთე, გულწრფელობა და რწმენა. ის მუდმივად ფიქრობს, როგორ გაახაროს გარშემომყოფები თუნდაც ერთი კეთილი სიტყვით.

ნინოს წარმატების ფორმულა მარტივია: “სწავლა, სწავლა და შრომა.” მისთვის წარმატება არ არის მხოლოდ მატერიალური მიღწევა – უპირველესად, ეს არის კმაყოფილი გარშემომყოფები და შრომის შესაბამისი დაფასება.

მომავლისთვის ნინოს ბევრი გეგმა აქვს. მიუხედავად იმისა, რომ კონკრეტულ დეტალებს არ ასახელებს, ის ოპტიმისტურადაა განწყობილი და დარწმუნებულია, რომ ყველაფერს მიაღწევს. ახალბედა პროფესიონალებს კი ნინო ურჩევს, იყვნენ უტყუარი, გულწრფელი და არ იცხოვრონ მხოლოდ ერთი დღით.

ნინო ჯელაძის ისტორია არის მაგალითი იმისა, თუ როგორ შეიძლება დაუღალავი შრომით, მიზანსწრაფვით და რწმენით თვითრეალიზება და წარმატება. მისი ცხოვრება ცხადყოფს, რომ არასდროს არის გვიან ახალი გამოწვევების მიღება და პროფესიული ტრანსფორმაცია, თუ ადამიანს აქვს ნებისყოფა და შრომისმოყვარეობა.