ქუთაისში პირველადი გადაუდებელი დახმარების პრაქტიკული ტრენინგი წარმატებით ჩატარდა 🚑✨
„ლიდერ ქალთა საზოგადოებისა“ და კოლეჯი საერთაშორისო განათლების აკადემია „ბიდისის“ ორგანიზებით, ქუთაისში გაიმართა პრაქტიკული ტრენინგი თემაზე — „პირველადი გადაუდებელი დახმარება ექიმის მოსვლამდე“.
ტრენინგი ძალიან წარმატებული, ნაყოფიერი და პრაქტიკული ცოდნით დატვირთული აღმოჩნდა. მონაწილეებს შესაძლებლობა ჰქონდათ, მიეღოთ მნიშვნელოვანი ინფორმაცია და პრაქტიკული უნარები იმაზე, თუ როგორ იმოქმედონ გადაუდებელ სიტუაციებში მშვიდად, სწრაფად და სწორად — ექიმის მოსვლამდე.
შეხვედრის ფარგლებში განხილული იყო ისეთი მნიშვნელოვანი საკითხები, როგორებიცაა: დაზარალებულის მდგომარეობის სწრაფი შეფასება, გულ-ფილტვის რეანიმაციის ძირითადი პრინციპები, გონების დაკარგვა და შოკური მდგომარეობები, სუნთქვის გაძნელება, ალერგიული რეაქცია და ანაფილაქსიური შოკი, მაღალი წნევა, ინფარქტისა და ინსულტის ნიშნების ამოცნობა, სისხლდენა, ჭრილობები, დამწვრობა, ტრავმები, მოტეხილობები, ეპილეფსიური შეტევა, მოწამვლა და სხვა გადაუდებელი შემთხვევები.
განსაკუთრებით მნიშვნელოვანი იყო ტრენინგის პრაქტიკული ნაწილი, რომელმაც მონაწილეებს მისცა შესაძლებლობა, თეორიული ცოდნა რეალურ სიტუაციებთან მიახლოებულ გარემოში გამოეყენებინათ.
ღონისძიების ფარგლებში ასევე გაიმართა ბიდისი აკადემიის პრეზენტაცია, სადაც სტუმრები გაეცნენ კოლეჯის საგანმანათლებლო პროგრამებს, პროფესიული განვითარების შესაძლებლობებსა და სასწავლო მიმართულებებს.
მადლობა თითოეულ მონაწილეს აქტიურობისთვის, ჩართულობისთვის და ნდობისთვის ❤️
გვჯერა, რომ ასეთი ცოდნა თითოეული ადამიანისთვის აუცილებელია, რადგან გადაუდებელ სიტუაციაში სწორად გადადგმულმა პირველმა ნაბიჯებმა შესაძლოა ადამიანის სიცოცხლე გადაარჩინოს. ✨