ნომინაციაში “საუკეთესო ონლაინ გაყიდვები-2024” გახლდათ თამთა (ბებე) სომხიშვილი
თამთა სომხიშვილი, იგივე ბებე სომხიშვილი, არის სამი შვილის დედა და წარმატებული მეწარმე, რომელმაც მოახერხა ოჯახური ცხოვრებისა და კარიერის ჰარმონიული შეთავსება.
მისი ისტორია ასახავს იმ მრავალფეროვან როლებს, რომლებსაც ქალები ასრულებენ ყოველდღიურ ცხოვრებაში, ხშირად უხილავად საჯარო დისკუსიებში. ბებემ გააცნობიერა, რომ მხოლოდ დედისა და მეუღლის როლი არ იყო საკმარისი მისი სრული ბედნიერებისთვის.
ამიტომ, მან გადაწყვიტა შეექმნა ონლაინ გვერდი, სადაც მომხმარებლებს სხვადასხვა ბრენდულ ტანსაცმელს სთავაზობდა. მიუხედავად მაღალი კონკურენციისა გაყიდვების სფეროში, თამთამ შეძლო თავისი პლატფორმა ერთ-ერთ საუკეთესო და კონკურენტუნარიან გვერდად ექცია.
„ყოველდღე ვხვდებოდი, რომ რაღაც უნდა შემეცვალა ჩემს საქმეში, უნდა დამენერგა სიახლეები, უნდა მეკეთებინა ის, რასაც არ აკეთებდნენ ჩემი კონკურენტები,“ მისი წარმატების საიდუმლო იყო მუდმივი განვითარება და ინოვაცია.
ყოველდღე ცდილობდა რაღაც ახალი შეეტანა თავის საქმიანობაში, დაენერგა სიახლეები და გაეკეთებინა ის, რასაც მისი კონკურენტები არ აკეთებდნენ. განსაკუთრებულ ყურადღებას უთმობდა მომხმარებლის ნდობის მოპოვებას და ლოიალური ურთიერთობების ჩამოყალიბებას, რაც კრიტიკულად მნიშვნელოვანია ონლაინ გაყიდვებში.
ერთ-ერთი უდიდესი გამოწვევა თამთასთვის იყო ენობრივი ბარიერი, კერძოდ ჩინური ენის არცოდნა. ეს განსაკუთრებით პრობლემატური იყო, როდესაც მას უწევდა ჩინეთში მნიშვნელოვანი მოლაპარაკებების წარმოება პარტნიორებთან. „ამ გამოწვევასაც არ შევუშინდი, ვისწავლე ჩინური ენა და დღეს დამოუკიდებლად შემიძლია ჩემს პარტნიორებთან ვაწარმოო მოლაპარაკებები, რაც საბოლოო ჯამში, ჩემი საყვარელი მომხმარებლების გახარებასა და ურთიერთობების მაღალი თამასის შექმნაში მეხმარება“ ბიზნესი დღითიდღე იზრდება, იმატებს მისი ერთგული და კმაყოფილი მომხმარებლების რაოდენობა.
ის თვლის, რომ ეს არის მისი საქმისადმი და მომსახურების სფეროსგან მიღებული სიამოვნების შედეგი. იგი მუდმივად ცდილობს განვითარებას და სწავლას, რათა კიდევ უფრო წარმატებული გახადოს თავისი საქმიანობა.
ის ურჩევს ქალებს, რომლებიც ახლა იწყებენ ონლაინ ბიზნესს, არ შეეშინდეთ პირველი ნაბიჯების გადადგმის და დაიწყონ თუნდაც მცირედით.
ის ხაზს უსვამს, რომ თუ საწყის ეტაპზე ფინანსური სარგებელი არ არის, ეს არ ნიშნავს წარუმატებლობას.
მისი აზრით, მომხმარებლებთან კარგი ურთიერთობის დამყარება არის ყველაზე ღირებული – ეს არის ხიდი ნდობის მოსაპოვებლად, რაც თავის მხრივ ნებისმიერი საქმიანობის წარმატების გარანტიაა.
ბებე სომხიშვილი ხაზს უსვამს ქალების როლის მნიშვნელობას როგორც პირადი, ასევე ქვეყნის ეკონომიკური კეთილდღეობის შექმნაში. მისი მაგალითი აჩვენებს, რომ შესაძლებელია იყო წარმატებული როგორც პირად ცხოვრებაში, ისე კარიერაში.
ის თვლის, რომ ქვეყანა მხოლოდ მაშინ იქნება ძლიერი, როდესაც ყველას, მიუხედავად გენდერული სხვაობისა, მიეცემა თანაბარი შესაძლებლობა მაქსიმალურად გამოიყენოს საკუთარი პოტენციალი.